Afigamli.is - Grandfather's guitar site

ENG

Spela ackord och sjung en dikt

Home

Song name:

E

Bm

Cmaj7

D

Em

G

Am

Nú skal leika á langspilið veika

Song composer: Torfi Ólafsson

Lyrics author: Davíð Stefánsson

Nú skal leika

á langspilið veika

og lífsins minnast í kveld,

hjartanu orna

við hljóma forna

og heilagan jólaeld,

meðan norðurljós kvika

og blástjörnur blika

og boganum mínum ég veld.

Ég blundaði hljóður

við brjóst þín, móðir,

sem blómið um lágnættið.

Þú söngst um mig kvæði;

við sungum bæði

um sakleysi, ástir og frið.

Þú gafst mér þann eld,

sem ég ennþá í kveld

get ornað hjartanu við.

Þú hófst mína sál

yfir hégóma og tál

og hug mínum lyftir mót sól.

Þú gafst mér þá þrá,

sem ég göfgasta á,

og gleði, sem aldrei kól.

Ef ég hallaði mér

að hjarta þér,

var mér hlýtt; þar var alltaf skjól.

---

Og nú vil ég syngja

og sál mína yngja

með söngvum um lágnættið hljótt

og hvísla í norður

ástarorðum,

meðan allt er kyrrt og rótt,

og láta mig dreyma

um ljósin heima,

sem loga hjá mömmu í nótt.

Go back

Nothing has been written about this song.
You must be a registered user to be able to post a message